sexta-feira, 31 de janeiro de 2014

Scaena Tertia – In Lectione de Universo

Personae: Aurelius, Flavius, Fabius, Camilla, Laetitia.
Tres discipuli ad atrium magistri eunt, et ante ostium stant. Fabius ostium pulsat, aperit, in atrium intrat cum duabus discipulis. Aurelius discipulas salutat, et magister a Laetita et Camilla salutatur. Fabius: Ignosce mihi, Magister. Haec sunt Camilla et Laetitia. Aurelius dicit: Salvete, meae discipulae! Ut Valetis? Prima, Camilla, dicit: Bene! Veniam peto, magister! Altera, Laetitia, dicit: Bene! Ignosce mihi. Aurelius imperat: Sumite librum et aperite libros in pagina prima. In capitulo primo sunt tres paginae cum imaginibus et scriptis et exemplis. Titulus capituli primi est Universum. Universum est vastum et immensum cum multis stellis. Stellae sunt nimis calidae et magnae. Nostra stella, Sol, quoque magna et calida est. Flavius et Camilla: Non Intellego! Aurelius: Quisque vice sua! Quid clarum non est, Camilla? Camilla Aurelio dicit: In qua pagina est? Aurelius (Iratus): Animadverte, Camilla! Sumus in pagina prima, in verso tertio: Universum. Aurelius Flavium interrogat: Quid clarum non est, Flavi? Flavius: Cur universum magnum est? Aurelius Tacet.
(Scaena scripta a discipulo nostro nomine Ferdinandus Golombieski.)

quinta-feira, 30 de janeiro de 2014

Exercitium - IV



Audi narrationem et responde eis quae infra interrogantur:

1) Ubi habitat Claudia?
2) Num pater Claudiae servus est?
3) Cur amat Claudia hortum?
4) Quae puella est apud Claudiam in horto?
5) Quid agunt puellae in villa Claudi?
6) A quo ostium villae aperitur?
7) Quid Claudia dat Claudio?
8) Quid dat pater filiae? Et amicae eius ?

sábado, 25 de janeiro de 2014

Scaenae in schola


Scaena Prima – Classis Personae: Magister et discipuli.
In schola, Aurelius est magister cum quattuor novis discipulis. Materia est studium astrorum, stellarum inter alia. Magister est in atrio. Flavius et Fabius per ostium intrant et magistrum salutant: Flavius et Fabius salutant: Salve, Magister! Magister respondet: Avete, discipuli carissimi! Flavius magistrum interrogat: Quod nomen est tibi? Magister respondet: Mihi nomen est Marcus Aurelius. Aurelius Flavium et Fabium interrogat: Quod nomen sunt vobis? Flavius respondet: Mihi nomen est Flavius. Fabius respondet: Mihi nomen est Fabius. Aurelius dicit: Mihi pergratum est vos convenire! Ubi sunt ceteri dicipuli? Quot dicipuli sunt? Fabius respondet: In schola sunt duo discipuli et duae dicipulae. Aurelius: Quod nomen sunt eis puellis? Flavius: Alteri est Laetitia, alteri est Camilla. Aurelius: Laetitia et Camilla? Cur ad lectionem non veniunt? Fabius respondet: Letitia et Camilla sunt illic, in peristylo, cum computatro. Laetitia et Camilla non veniunt quia in interreti navigant. Aurelius Fabio dicit: Bene, voca eas, Fabi! Fabius : Ita, Magister.
Scaena Secunda – In peristylo cum computatro.
Personae: Fabius, Laetitia, Camilla.
Fabius eas vocat: Laetitia et Camilla, magister vos vocat. Quid agitis? Incipit Schola. Animadvertite! Laetitia dicit: Quid est? Cur incipit schola? Iamne est schola? Fabius: Schola iam est; Aurelius novus magister adest. Camilla dicit: Pessime! Cur? Cur? Quae est materia magistri? Fabius Camillae respondet: Materia est Astronomia. Camilla dicit: Gratias tibi ago, Fabi! Fabius et Laetitia et Camilla eunt ad scholam. Laetitia et Camilla bonae discipulae sunt; parvi autem discipuli pigri sunt.
(Scaenae scriptae a discipulo nostro nomine Ferdinandus Golombieski.)

domingo, 19 de janeiro de 2014

Ambulatiunculae


His diebus novum coetus genus nomine "ambulatiuncula" (Lusitane rolezinho) emporia* magnarum Brasiliensium urbium turbat. Per interrete, praesertim per Prosopobiblion (Anglice Facebook), notissimum interretialem situm retium congregabilium, apparant  iuvenes hunc coetum, in quo generatim circiter tria millia hominum adsunt. In emporia simul intrant; deinde, per andrones ambulantes, magna voce cantant, exclamant, nonnumquam maxima sonorum intentione musicas, quae Anglice funk nuncupantur, audiunt. Ob metum, tabernarii ostia tabernarum suarum, quamquam emptores adhuc in taberna sunt, claudunt. Non raro custodibus - sive publicis sive emporiorum - iuvenes illos vi ex emporiis expellere necesse est ut incolumitas visitatorum laboratorumque firmata sit. Qui factionibus sinistris favent 'iuvenes illos pacificos esse atque tantummodo propter cutis colorem vel paupertatem vexari' dicunt, nam nonnulli qui in illas ambulatiunculas conveniunt nigri atque pauperes sunt; ita accusant homines divites albosque cute - qui, ut putant, soli emporia illa frequentant - de discriminatione phyletica ac sociali. Alii vero putant iuvenes illos solum tumultuari velle, quia emporia, in quae homines - saepe cum familia - emendi causa eunt, non sunt loca ad tales coetus; praeterea dicunt 'factiones sinistras illis ambulatiunculis favere ut oppositio classium alatur'.

*Emporium est aedificium magnum in quo multae variaeque tabernae inveniuntur.

domingo, 12 de janeiro de 2014

Lingua Latina Moderna - III

telephonulum gestabile


Cum Alexander Bell telephonum excogitavit, impossibile erat ei putare instrumentum suum olim ad multas alias res usurum esse praeter illud ad quod factus est, id est, ad hominibus potestatem dandam inter se, quamquam ab alterutro absentes, colloquendi. Multo tempore post, telephonum valde mutatum est. Hodie multa sunt genera telephonorum ex quibus usitatissimum est telephonulum gestabile. Telephonulum gestabile est parvum telephonum quod homines secum, quocumque eunt, ferre possunt, exempli gratia, in sinibus braccarum vel in perulis feminarum. Per telephonulum gestabile homines non solum alios appellant, sed etiam pelliculas vident, musicam audiunt, ludunt, nuntios breves mittunt. Revera multi sunt qui sine telephonulo gestabili vivere nequeunt.

quinta-feira, 2 de janeiro de 2014

Exercitium - III

In hoc textu casus post praepositiones recti non sunt. Potesne ea menda* corrigere?

*mendum est "error", "vitium grammaticale", "soloecismus".


Iulius in viam Latinam est cum quattuor servos. Via Latina est via inter Roma et villa Iulii. Villa Iulii est prope oppido Tusculo. Circum Tusculo est murus; sed murus qui circum Tusculo est non tam longus est quam murus circum Roma. Iulius non ambulat in via, sed in leticam est: duo servi lecticam vehunt. Post lectica est Davus; ante lectica est Ursus. Aemilia non est in viam apud Iulio, sed in peristylum suum, in villam; neque sola est domina, nam liberi apud ea sunt. Num tres liberi cum eam sunt? Non sunt, sed duo filii tantum, nam Iulia ab Aemiliam discedit quia rosas pulchras in hortum videt. Mater parvam puellam vocat. Iulia audit, ex hortum venit, ad Aemilia it. Iam tres liberi cum Aemiliam sunt. Iamne laeta est Aemilia? Non est, quia sine virum suum in villa est. Itaque mater cum liberos per ostio ambulat Iuliumque ante villa exspectat.